之前又去澳門~ 係半年內第二次去了, 前前後後去澳門已經共四次喇~
加埋夠去一次泰國旅行了~ 但我一次都未去過哩~ 最近有朋友公司就請佢泰國旅行~
四日三夜, 一蚊都唔洗俾, 癡線架~ 我都好想去呀~~ 幾時有機會去呢~
講番去澳門先~ 第一次係同兩位唔願開名的朋友去~ 我地都係去D大路嘅地方啦~
漁人碼頭呀~ 賭場呀咁~ 本身自己最想去禮記食雪糕, 因為覺得佢D包裝夠懷舊,
我種意, 想睇下咁啫, 點知O個日去到見佢沒開鋪~ 超失望, 決定下次一定要食到!
另外又想去電影2046拍攝O個間舊式旅店~ 千辛萬苦先俾我地搵到,
但入到去o個度位員工話唔俾影相~ 於是再一次失望而回.. 之後周圍去下,
途中兩位唔願開名的朋友在我的淫威底下, 就陪我去左澳門藝術館睇野喇~
入去要錢架, 佢兩位真係唔話得喇~ 終於同我入去扮一陣藝術家就走~
跟住食D野, 之後搭巴士入黑沙沙灘~ 以為D沙真係黑色啦, 唉..
去到就知只不過是D沙污穢D啫, 個沙灘名咪改到咁勁啦~ 食埋肥佬串燒即閃~
總結係--今次澳門行比較多失望野, 但都係好開心嘅~~而兩位朋友除左唔願開名,
仲唔願影相..
>>而最近o個次就同D死黨去, 係睇住佢大, 睇住佢壞o個隻朋友,
一行人共四條友出發, 大清早過到去早餐未食, 就先到義順飲奶,
飲完之後又周圍走黎走去, 中途開始下起大雨, 係直至全程都未停過的雨,
於是我地就尊登走去大三巴影相, 逝要影底雨中的大三巴留念~ 真有詩意,呵~
之後走去食全澳第一嘅劉記豬扒包及她們的魚蛋,正夾低~
食完就在大雨下由氹仔坐車去威尼斯人, 在裹面經過卻忘記了在公司分店影番張相..
下次去又未執笠我一定後補影番~最後全團友拿住一袋二袋鉅記手提袋殺入新葡京!
結果執佢四百, 見好就收~再到坤記食馬介休球, 超正~ 呀~
其實入坤記之前去左禮記食雪糕, 填補番我上次嘅遺憾, 今次真係食到喇~~
食過之後, 結果…個感覺係仲失望過第一次見佢但沒開鋪而食唔到..
之後搭船閃~~ 今次總結係--全程落大雨遊澳門都幾特別丫~~
留言列表
