幾日假期~ 喺屋企狂煲碟~
第一隻係<<RAMBO 4>> - - 點解唔似RAMBO架~ 點解今集RAMBO殺人唔洗用腦,
唔洗計劃架~ 點解冇曬之前一夫當關, 一騎當千的氣勢..又冇埋RAMBO啲用火藥燒傷口..,
手指公禁翻支箭出黎呢類鐵漢場面..只有見他拿住支機槍見人就掃..幾辛苦先等到佢掃完, 無晒子彈,
鬼整佢, 居然仲想換過盒子彈再掃過~ 你唔話佢呢, 佢真係夠膽死全程就係咁企響度掃完就算。
仲要在車上面掃..人地打佢唔...唯一感動位係最後RAMBO回家, 令整個RAMBO系列劃上完美句號..
不過套戲最令我奇怪嘅係, 女主角俾班咸濕緬甸軍捉左. 班緬甸軍竟然掂都唔掂佢.. 咁捉佢黎做乜.. 第二隻係<<無痛失戀>>- -睇嗰陣係會有啲亂, 個人一定要好清晰..不過我都係有少少唔知佢想點..
其中套戲開始不久, 占基利在車上等女友, 有個男子敲車門問佢洗唔洗幫手..我睇完套戲都唔明當時佢點解要咁問..
有沒人可以答到我點解..而套戲俾到我嘅信息係--當你同情人分手後, 你會對自己說要完全忘記他(她),
但你會在(洗腦過程)中, 發現那消逝的記憶, 才是你最珍貴. 最不想失去的愛情紀念品.
而真正嘅愛會令雙方都接納對方種種缺點, 令愛昇華到另一階段.. 不過套戲就真係亂, 亂得黎又幾ok咁..
果然係大師拍的片..第三隻係<<funny games.大快人心>>- - 睇戲名唔好以為係搞笑片, 其實套野會睇到人毛骨悚然,
套戲講一個幸福家庭如何被兩位少年禁固及折磨. 睇時讓我想起另一套甚相似的片, 叫《發條橙》,但它一點也不暴力,
血腥的場面不會出現, 它恐怖的地方是兩位少年內心的變態, 此片有很多地方確實不同一般的電影..
如開首播放的古典歌, 隨着影片標題“Funny Games”出現突然變成瘋狂的音樂; 兇手又會向鏡頭與觀眾說話; 而一家三口中孩子竟然是第一個被殺, 被殺時鏡頭只影着兇手在廚房放鬆地吃麵包, 好古靈精怪架~
兇手更會「超現實」的拿起遙控器將大家睇緊電影的畫面回放..在這很難表達俾大家聽..
到最後影片還有一度值得講講, 影片開始時父子倆在船上無意遺落的那把刀, 導演當時特意给了一個特寫,
本以為會按照驚悚片常規思路, 在情節高潮時好人就會用這把刀殺掉那兩個瘋子,
可誰知影片最後導演和觀眾開了一個電影史上最經典的也是最残忍的玩笑, 那個瘋子很輕鬆就發現了小刀將其扔進河裹,
最後的幸存者母親更在没有任何情節鋪排. 暗示的情况下, 被兇手輕輕一推落河中, 都没出一聲,
就這樣簡單,溺死了. 套戲真係非一般大眾睇的..古古怪怪~ 太正了!!
留言列表
